Markalaus nágrannaslagur á Ljósanótt
Það blés hressilega þegar Ljósanæturleikur Njarðvíkur og Keflavíkur var háður í dag í Lengjudeild karla í knattspyrnu. Frábær mæting var á Rafholtsvöllinn en nágrannaslagurinn náði aldrei neinum hæðum og endaði í markalaust jafntefli. Leikurinn var báðum liðum gríðarlega mikilvægur í baráttu efstu liða en umferðin klárast á morgun.
Keflvíkingar féllu úr Bestu deild kvenna eftir að hafa náð þriggja marka forystu í fyrri hálfleik gegn Stjörnunni en leiknum lauk með 4:4 jafntefli. Úrslit leiksins höfðu ekki áhrif á fallið þar sem Tindastóll tryggði sér áframhaldandi veru með 3:0 sigri á Fylki.
Víðismenn þurfa aðeins eitt stig úr lokaumferð þriðju deildar eftir góðan sigur á Magna í dag.
Hafnamenn tryggðu sér sæti í fjórðu deild að ári eftir 3:0 sigur á Mídas í seinni leik liðanna í úrslitakeppni fimmtu deildar og mæta Álftanesi í úrslitum um deildarmeistaratitilinn.
Njarðvík - Keflavík 0:0
Keflavík - Stjarnan 4:4
Víðir - Magni 2:0
Mörk: Ísak John Ævarsson (13') og Markús Máni Jónsson (74').
Mídas - Hafnir 0:3
Mörk: Kristófer Orri Magnússon (9'), Reynir Aðalbjörn Ágústsson (44') og Sigurbergur Bjarnason (60').
Nánari umfjöllun birtist síðar.
