Library opnað með stæl
Library Bistro/bar opnaði á Park Inn hótelinu í Reykjanesbæ á dögunum. Opnun staðarins var síðan fagnað með glæsibrag þar sem fjöldi gesta mætti í opnunarhóf Library.
Jón Gunnar Geirdal, markaðsmaður hjá Ysland, og lífstílsmeistarinn Arnar Gauti Sverrisson hafa stýrt framkvæmdunum á veitingastaðnum en Jón Gunnar segir að staðurinn verði á pari við það allra besta sem höfuðborgin hefur upp á að bjóða í upplifun á mat og drykk.
Húsgögn frá Ítalíu voru flutt inn fyrir staðinn og mörg þúsund bækur frá Bókasafni Reykjanesbæjar, sem áður var til húsa á sama stað, skreyta veitingastaðinn og gefa honum huggulegan blæ.
Ljósmyndari Víkurfrétta var í opnunarhófinu og smellti af meðfylgjandi myndum hér að neðan.
Opnun Library
