Togara bjargað frá því að slitna upp

Nú er fjölmennt lið að bæta við landfestum á togarann Berglín GK frá Garði. Togarinn er í Njarðvíkurhöfn og var að slíta sig lausan frá bryggju í veðurofsanum sem nú er í Reykjanesbæ.

Nú hefur landfestum verið fjölgað til muna en aðstæður þar sem togarinn er eru erfiðar. Talsverð hreyfing og mikill vindur. Þá gengur sjór yfir varnargarða og gerir allar aðstæður erfiðar.