Ólafur Aron snýr aftur heim
Leikstjórnandinn Ólafur Aron Ingvason hefur skrifað undir eins árs samning við úrvalsdeildarlið Njarðvíkur í körfubolta. Ólafur er uppalinn hjá félaginu en hefur undanfarin ár leikið með Stjörnunni og Þór á Akureyri. Ólafur hefur þegar hafið æfingar hjá félaginu en þar tóku þeir Teitur Örlygsson og Friðrik Ingi Rúnarsson við stjórnartaumum í vor.
