Góður árangur sundfólks í Danaveldi
Sundfólk ÍRB gerði góða hluti í keppnisferð til Danmerkur um síðustu helgi. Þar kepptu þau á Lyngby Open og uppskeran var sjö gullverðlaun, fimm silfurverðlaun og tvenn bronsverðlaun.
Steindór Gunnarsson, yfirþjálfari ÍRB, á sundlaugarbakkanum. Mynd: Jón Hilmarsson
„Það er mjög sterkt að byrja keppnistímabilið í 50 metra lauginni með svo kröftugum hætti,“ sagði Steindór Gunnarsson, yfirþjálfari sunddeildarinnar. „Sérlega gott fyrir sundfólkið, bæði keppnislega og andlega að geta keppt á erlendri grundu, eftir frekar fátæklegt mótahald undanfarin tvö ár.“
Um næstu helgi keppa sundkapparnir á Reykjavíkurleikunum (RIG) og verður gaman að fylgjast með árangri þeirra þar.
Hér að neðan má sjá myndasafn frá mótinu.
Sundfólk ÍRB keppir í Lyngby 2022
