Grindavík vann Stjörnuna á útivelli í Bónusdeild kvenna

Grindavík virðist vera komið á beinu brautina í Bónusdeild kvenna eftir leikmannaskiptin í upphafi þessa árs. Í kvöld lauk venjulegri deildarkeppni og Grindavík vann Stjörnuna á útivelli, 62-66 eftir að staðan í hálfleik hafði verið 29-37. 

Stjarnan hleypti spennu í leikinn með því að vinna þriðja leikhlutann með tíu stigum, 22-12. Grindavík tók svo aftur frumkvæðið og vann lokaleikhlutann 11-17 og leikinn því eins og áður sagði, 62-66.

Marianna Duran og Daisha Bradford voru stigahæstar með 17 stig og Ísabella Ósk Sigurðardóttir reif að vanda niður flest fráköst eða 14.

Nú verður deildinni skipt í efri og neðri hluta, Grindavík verður í þeim neðri en ætti með sama áframhaldi að tryggja sig í topp átta og þar með sæti í úrslitakeppninni.