Samstarf Suðurnesjabæjar við björgunar- sveitirnar Ægi og Sigurvon

Suðurnesjabær hefur lengi átt í mjög góðu samstarfi við Björgunarsveitirnar Ægi og Sigurvon, enda björgunarsveitirnar mikilvægar samfélögum eins og Garði og Sandgerði sem mynda Suðurnesjabæ.

Nú nýverið voru endurnýjaðir samstarfssamningar við báðar sveitirnar. „Suðurnesjabær lýsir sérstakri ánægju með það, um leið og björgunarsveitirnar fá einlægar þakkir fyrir þeirra störf og framlag til samfélagsins. Starfsemi björgunarsveita er borin uppi af fjölmörgum sjálfboðaliðum og fá þeir allir góðar þakkir fyrir þeirra framlag, en sjálfboðaliðar björgunarsveitanna eru alltaf tilbúnir til aðstoðar ef þörf krefur og sinna fjölbreyttum verkefnum allt eftir aðstæðum hverju sinni,“ segir í tilkynningu sem Suðurnesjabær sendi frá sér við undirritun samstarfssamninga við björgunarsveitirnar.