Eva Páls Evrópumeistari öldunga í kraftlyftingum og tvíbætti heimsmet

Kraftlyftingakonan Eva Pálsdóttir gerði það gott á dögunum en þá varð hún Evrópumeistari í kraftlyftingum öldunga en mótið stendur yfir í Albi í Frakklandi.

Ekki nóg með að Eva hafi endað sem Evrópumeistari, hún tvíbætti heimsmetið í hnébeygju, setti heimsmet í samanlögðu og varð næst stigahæst í M3 þvert á þyngdir.

Gull í hnébeygju, silfur í bekkpressu og gull í réttstöðulyftu. Ekki amaleg útkoma hjá Evu.

Þetta er fimmta árið í röð sem Eva verður Evrópumeistari.

Í spilaranum má sjá tvær af lyftum Evu.